18 de xaneiro de 2018

Speak English!!

Se queres practicar e mellorar o teu nivel de inglés, pásate pola biblioteca nos recreos. Comezan os English Break!




15 de xaneiro de 2018

Tecendo redes co noso Club de Lectura

Hoxe o noso club tivo o privilexio de celebrar a súa sesión nun espazo especial: a Biblioteca de Os Rosales, pertencente á rede de bibliotecas municipais de A Coruña.





Por recomendación das súas bibliotecarias, Sira González e Anabel Cardiel,  lemos e comentamos a obra "El Faro", de Paco Roca. Para moitos dos participantes era a súa primeira lectura de banda deseñada. Pareceunos que reunía moitos ingredientes para agradar: un conto con moitas referencias literarias,  inspirado no mundo do mar, especialmente atractivo para todos e tamén, claro, para os nosos alumnos dos Ciclos de Marítimo. A edición de Astiberri resultou moi didáctica cunhas notas finais do propio autor explicando como  xurdiu a idea desta obra e como foi "retocada" para esta edición. 
A conclusión foi unánime: todos os participantes gozaron coa descuberta e ábrense a un mundo de novas e infinitas lecturas que tiñan descartadas, por prexuicios ou simple ignorancia.

Que gusto é atopar polo camiño cómplices que axudan a tecer redes lectoras! 
Para nós, cuns usuarios maioritariamente adultos, as bibliotecas municipais de A Coruña son unha fonte de inspiración. Tanto máis cando atopas bibliotecarias entusiastas que transmiten o seu amor polos libros e polo seu traballo. 
Por suposto, houbo tempo para explorar a biblioteca, cubrir solicitudes de novos socios, escoitar moitas recomendacións lectoras e, por suposto, para ler.






18 de decembro de 2017

Tarefas navideñas do club de lectura

Hoxe tivemos a sesión do Club de Lectura previa as vacacións de Nadal.




Entre lambadas variadas falamos, reflexionamos e debatimos se hai algo que importe na vida (relixión, familia, integridade física, virxinidade...). Todo grazas á obra "Nada" de Janne Teller. Unha proposta lectora que trouxo unha morea de opinións. Tamén é certo que agora o debate é máis doado por ser tan numeroso e diverso o noso club. Unha gozada!






Tamén aproveitamos para propoñer as tarefas para as vacacións de Nadal: gozar comendo e lendo, claro!



Á volta de Nadal, xa vos contaremos como nos foi devorando chuches e libros

9 de decembro de 2017

As nosas recomendacións lectoras para o Nadal

Xa é hora de escoller as túas lecturas para estas vacacións de Nadal. Aquí tes a nosa selección. Atoparás un pouquiño de todo: novelas, divulgación, banda diseñada, xuvenil...

Recorda que tes unha breve recensión de cada título do teu interese no noso blogue

LECTURAS NA LABORAL


3 de decembro de 2017

A nosa mesa está chea de novidades

Coma sabedes a nosa biblioteca pertece á rede PLAMBE (Plan de Mellora das Bibliotecas Escolares). Cada ano recibimos unha partida económica para renovar os nosos fondos. Sobre a mesa atoparedes as adquisicións deste ano. Esperemos que vos gusten. Hai un pouquiño de todo.








Coma sempre, podes atopar máis información sobre cada unha das obras no noso blog "Lecturas na laboral". Tamén podes seleccionar os fondos pola súa etiqueta ("xuvenil", "Humor", "Banda deseñada"...). Preme na imaxe e descubre todas as novidades e outros fondos que xa tiñamos na biblioteca.

https://lecturasnalaboral.blogspot.com.es/

27 de novembro de 2017

O noso Club de Lectura medra

Hoxe tivemos a segunda reunión do noso Club, cada día máis numeroso e diverso: alumnado de Ciclos, de Bacharelato, profesorado, persoal non docente... Encántanos!!

Comentamos "Marcas de nacemento" de Nancy Huston. Houbo, coma sempre, para todos os gustos: uns disfrutaron moito, outros horrizáronse coas personaxes, outros descubriron episodios históricos descoñecidos. O mellor, compartir experiencias lectoras ... e  o café, claro.

























E xa deixamos repartida a seguinte lectura: "Nada" de Janne Teller, un libro que nos vai a permitir desenvolver o lema deste ano das bibliotecas escolares: "Aprender a pensar coa BE". Os membros do Club recolleron con entusiasmo a proposta de reflexión e debate.

25 de novembro de 2017

A Laboral ponse de negro polo 25N

O alumnado do centro non desaproveitou a invitación do Concello para participar no acto de recordatorio do 25N, vestíndose de negro y deixando as súas mensaxes na árbore contra a violencia












A nosa árbore segue a medrar