Nova sesión do CUL, desta volta para comentar "Vestido de novia", de Pierre Lemaitre.
Houbo quen non foi capaz de rematar a lectura da angustia que lle ocasionaba... Novela negra en toda a súa intensidade.
Claro que cun pouco de biscoito as penas son máis levadeiras.
20 de febreiro de 2017
19 de febreiro de 2017
Visibilizando á muller e as súas contribucións científicas
Queremos enlazar o día da Muller e a nena na ciencia (celebrado o pasado día 11) co Día da Muller Traballadora (8 de marzo) dando visibilidade aos descubrimentos e avances científicos logrados por moitas mulleres. O seu traballo foi silenciado pola indiferencia e o desprecio da comunidade ciéntifica masculina, que incluso, ás veces, se apropiou dos seus logros. Toca un exercicio de memoria e reivindicación da súa contribución ao progreso da humanidade.
Para poder coñecer mellor as súas vidas e os seus descubrimentos, dispoñemos de novos fondos na biblioteca. Esperamos que tamén resulten de moita utilidade ao Club de Ciencia do centro que inicia os seus primeiros pasos.
Para poder coñecer mellor as súas vidas e os seus descubrimentos, dispoñemos de novos fondos na biblioteca. Esperamos que tamén resulten de moita utilidade ao Club de Ciencia do centro que inicia os seus primeiros pasos.
9 de febreiro de 2017
11 de febrero, Día internacional da muller e a nena na ciencia
Na actualidade, as mulleres e as nenas atopan barreiras de moitos tipos, ás veces moi sutís, que dificultan a súa presenza na ciencia. Esta desigualdade é patente na elección dos estudos por parte das nenas e vaise agudizando ao avanzar nas carreiras científicas e tecnolóxicas. Co obxectivo de lograr o acceso e a participación plena e equitativa na ciencia para as mulleres e as nenas, a igualdade de xénero e o empoderamiento das mulleres e as nenas, o 15 de decembro de 2015 a Asemblea Xeral das Nacións Unidas proclamou o 11 de febreiro de cada ano como o Día Internacional da Muller e a Nena na Ciencia.
Na biblioteca poderás atopar algúns fondos e materiais relacionados con este tema.
Por se fose do teu interese durante a fin de semana celébranse na ciudade moitos actos e conferencias gratuitos.
Podes consultar o programa na páxina web da divulgadora científica Deborah García Bello
http://dimetilsulfuro.es/2017/02/08/11-de-febrero-dia-internacional-de-la-mujer-y-la-nina-en-la-ciencia/#more-2253
Se queres informarte mais sobre este tema, sigue este enlace ou pica na imaxe
https://11defebrero.org/category/pioneras/
4 de febreiro de 2017
Biblioteca territorio das Artes: Exposición "Dalí e ciencia"
Este trimestre temos a pracer de disfrutar dunha exposición onde se relaciona as obras de Dalí con disciplinas en principio sorprendentes como a ciencia, as matemáticas, a física ou a música. Trátase dunha exposición que acadou varios premios no seu día e que conseguimos grazas a xestión dunha das súas autoras, hoxe no IES María Casares de Oleiros.
Temos un cuestionario moi completo e interesante para traballar os distintos carteis.
Temos un cuestionario moi completo e interesante para traballar os distintos carteis.
O Club de Lectura foi de compras
Como xa contamos, hai uns días os membros do CUL visitamos a Librería "Moito Conto" e aproveitamos para facer unhas compras para os nosos fondos. Un pouco de suspense, unha pinga de poesía, outra de humor, algúns relatos de viaxes iniciáticos...
Subscribirse a:
Publicacións (Atom)